Maltanın baş naziri İosif Muskat yerli "Hibernians" klubunu zorlama maddəsi ilə həbs cəzası çəkmiş futbolçu Çed Evansla müqavilə bağlamamağa çağırıb. Sportnet.az-ın məlumatına görə, Muskat bu qərarın ölkənin imicinə təsirsiz ötüşməyəcəyini bildirib.
İngiltərənin "Mançester Siti" klubunun və Uels millisinin sabiq hücumçusu oktyabrın 17-də vaxtından əvvəl azadlığa buraxılıb. Noyabrda isə çoxnövçülük üzrə britaniyalı olimpiya çempionu Cessika Ennnis-Hill bildirib ki, "Şeffild Yunayted" Evansla müqavilə bağlasa, klub rəhbərliyindən ev arenasının onun şərəfinə adlanan tribunasının adını dəyişməsini tələb edəcək.
Qeyd edək ki, Çed Evans 2012-ci ildə həbs olunub. Ona 5 il həbs cəzası kəsilsə də, cəmi 2 ildən sonra azadlığa buraxılıb.
