I divizionda mübarizə aparan "Rəvan” Futbol Klubu II dövrənin hazırlığına başlayır. Sportnet.az-ın klubun rəsmi saytına istinadən məlumatına görə, dünən paytaxtda bir araya gələn komanda tibbi baxışdan keçib. Sabah isə məşqlərə start veriləcək.
Təlim-məşq toplanışının yanvarın 14-dək davam edəcək ilk mərhələsi seleksiya xarakterli olacaq. Daha sonra hazırlıq prosesinin əsas mərhələsinə başlanılacaq.
Qeyd edək ki, I divizionda II dövrəyə fevralın 20-də start veriləcək. XVI turun ilk oyun günündə "Rəvan” "Şuşa”nı qəbul edəcək.
