İspaniya "Barselona"sından ayrılan futbolçu Lionel Messi Fransanın PSJ klubuna keçəcək.
Sportnet.az-ın məlumatına görə, bu barədə "RMC Sport"un jurnalisti Məhəmməd Bufasi şəxsi tvitterində yazıb. O bildirib ki, 34 yaşlı hücumçu Paris komandasının təklifini qəbul edib. Tərəflər sonradan daha bir mövsüm uzadıla bilməsi şərti ilə 2 illik sözləşməni müzakirə edirlər.
PSJ müqaviləni həftəsonu bağlamaq istəyir. Futbolçunun atası Xorxe Messi tezliklə Paris klubunun rəhbərliyi ilə görüşməlidir.
"Telefoot" isə Messinin 19 nömrəli formanı geyinəcəyinə dair xəbər yayıb.
Qeyd edək ki, "Barselona" klubu Lionel Messi ilə müqaviləni uzatmayıb.
