"Qəbələ" İdman Klubu Bakıda fəaliyyət göstərən "West Hospital"la tibbi sahədə tərəfdaşlıq müqaviləsi imzalayıb.
Sportnet.az-ın məlumatına görə, bununla bağlı "West Shine Hotel"də tərəflərin təqdimat mərasimi olub.
Anlaşma ilyarımlıq müddətə - 2022/2023 mövsümünün sonunadək nəzərdə tutulub. "West Hospital"ın loqosu əsas komandanın formasının qolunda, stadionda və mətbuat konfransı zalında yer alacaq. "West Hospital" "Qəbələ" İdman Klubunun tərəfdaşı olacaq və tibbi dəstək göstərəcək.
Xatırladaq ki, "Qəbələ"nin 17 illik tarixində bunadək tibbi sahədə Türkiyənin məşhur "Acıbadem Hospital"la tərəfdaşlığı olub. "West Hospital" qəbələlilər üçün Azərbaycan daxilində ilk belə tərəfdaş olacaq.
