Futbol üzrə Azərbaycan Premyer Liqasında IV turun daha bir oyunu keçirilib.
Sportnet.az-ın məlumatına görə, günün ikinci matçında son çempion "Qarabağ" "Şamaxı"nı qəbul edib.
"Azersun Arena"dakı qarşılaşma "köhlən atlar"ın 4:0 hesablı qələbəsi ilə bitib. Meydan sahiblərinin qollarını 35-ci dəqiqədə Kvabena Ovusu, 55-ci dəqiqədə Kvabena Ovusu, 64 və 72-ci dəqiqələrdə Ramil Şeydayev vurub.
Rəqiblərindən bir oyun az keçirən "Qarabağ" xallarının sayını 9-da çatdırıb. Ağdam təmsilçisi hələlik "Qəbələ", "Sabah" və "Neftçi" ilə eyni xala malikdir. Bir xala malik "Şamaxı" isə 9-cu sırada qalıb.
Qeyd edək ki, günün ilk görüşündə "Səbail" "Kəpəz"i 4:1 hesabı ilə üstələyib. Turun ilk 2 oyununda "Sumqayıt" evdə "Turan Tovuz"la qolsuz heç-heçə edibsə, "Neftçi" "Zirə"yə qalib gəlməyi bacarıb - 2:1. Tura avqustun 28-də keçiriləcək "Qəbələ" - "Sabah" matçı ilə yekun vurulacaq.
-----------------------------------
Futbol üzrə Azərbaycan Premyer Liqasında IV turun daha bir oyunu keçirilib.
Sportnet.az-ın məlumatına görə, günün ilk matçında "Səbail" "Kəpəz"i qəbul edib.
"ASCO Arena"dakı qarşılaşma paytaxt təmsilçisinin 4:1 hesablı qələbəsi ilə bitib. Görüşdə hesabı qonaqlar açıb. Gəncə klubunun heyətində 11-ci dəqiqədə Əfran İsmayılov fərqlənib.
Meydan sahiblərinin qollarını isə 51-ci dəqiqədə Qoba Zakpa, 55-ci dəqiqədə Franko Mazurek, 74-cü və 90+4-cü dəqiqədə Ağabala Ramazanov vurub.
Qonaqların heyətində Rauf Əliyev 70-ci dəqiqədə, Tural Axundov 90+3-cü dəqiqədə qırmızı vərəqə alaraq meydandan qovulub.
İlk qələbəsini qazanan "Səbail" xallarının sayını 4-ə çatdırıb. "Dənizçilər" "Turan Tovuz" və "Zirə" ilə birlikdə 5-7-ci yerləri bölüşdürür. 4 görüşün hamısında məğlub olan "Kəpəz" - sonuncu 10-cu pillədə qərarlaşıb.
Qeyd edək ki, günün digər oyununda son çempion "Qarabağ" "Şamaxı"nı qəbul edəcək.
--------------------------
Bu gün Misli Premyer Liqasında IV turun daha iki oyunu keçiriləcək.
Sportnet.az-ın məlumatına gərə, günün ilk matçında "Səbail" "Kəpəz"i qəbul edəcək.
Hazırda "dənizçilər" 1 xalla 8-ci, 3 qarşılaşmanın hamısında uduzan Gəncə təmsilçisi sonuncu - 10-cu pillədə qərarlaşıb.
Komandalar indiyədək çempionatda 4 dəfə üz-üzə gəliblər. Bunların 2-də paytaxt klubu, 1-də "Kəpəz" meydanı 3 xalla tərk edib. Topların nisbətində də "Səbail" üstündür - 6:5.
Günün ikinci görüşündə son çempion "Qarabağ" "Şamaxı"nı qəbul edəcək. Rəqiblərindən bir oyun az keçirən "köhlən atlar" 6 xalla 3-cü qonaqlar isə 1 xalla 9-cu pillədə yer alıb. Bu, komandaların yerli çempionatda 71-ci oyunu olacaq. Əvvəlki qarşılaşmaların 33-də Ağdam klubu, 13-də qonaqlar qələbə qazanıb. Topların nisbətində də meydan sahiblərinin aşkar üsdünlüyü var - 95:43.
Misli Premyer Liqası
IV tur
27 avqust (şənbə)
18:00. “Səbail” – “Kəpəz” - 4:1
Qollar: Qoba Zakpa, 51. Franko Mazurek, 55. Ağabala Ramazanov, 74; 90+4 - Əfran İsmayılov, 11
Qırmızı vərəqələr: Rauf Əliyev, 69. Tural Axundov, 90+3 (hər ikisi "Kəpəz")
Hakimlər: Tural Qurbanov, Müslüm Əliyev, Vüsal Məmmədov, Namiq Bəkirov
Hakim-inspektor: Ömər Paşayev
“ASCO Arena”
20:30. “Qarabağ” – “Şamaxı” - 4:0
Qollar: Kvabena Ovusu, 36. Leandro Andrade, 55. Ramil Şeydayev, 64. 72
Hakimlər: Nicat İsmayıllı, Cavanşir Yusifov, Eyyub İbrahimov, Cavid Cəlilov
Hakim-inspektor: İmanxan Sultani
“Azersun Arena”
Qeyd edək ki, turun ilk 2 oyununda "Sumqayıt" evdə "Turan Tovuz"la qolsuz heç-heçə edibsə, "Neftçi" "Zirə"yə qalib gəlməyi bacarıb - 2:1. Tura avqustun 28-də keçiriləcək "Qəbələ" - "Sabah" matçı ilə yekun vurulacaq.
