Fransanın PSJ klubunun və Argentina yığmasının futbolçusu Lionel Messi Buenos-Ayresdəki restoranda şam etmək istəyib.
Sportnet.az-ın məlumatına görə, ictimai iaşə müəssisəsinə ailəsi ilə birlikdə gedərkən, 36 yaşlı hücumçunu fanatlar qarşılayıb. Onlar cütlüyün keçidinə mane olublar.
Azarkeşlər polis mühafizəsində olan Messini tutaraq, adını səsləndirib və şəkil çəkdirməyə çalışıblar.
Qeyd edək ki, Lionel Messi 2022-ci ildə Argentina millisi ilə dünya çempionu olub. Onun PSJ ilə müqaviləsi mövsümün sonunda başa çatır.
