Bakıdakı boks üzrə Dünya Təsnifat Turnirində bu gün Azərbaycanın daha 2 təmsilçisi rinqə çıxacaq. Sportnet.az-ın məlumatına görə, əvvəlcə Rüfət Hüseynov ilk döyüşündə Çin Taybeyindən olan Po-Vey Tu ilə üz-üzə gələcək.
49 kq çəki dərəcəsi üzrə görüşün qalibi 1/4 finala adlayacaq.
75 kq çəkidə yer alan Kamran Şahsuvarlı isə 1/16 finala təsadüf edəcək ilk döyüşündə albaniyalı Aryon Kayoşi ilə qarşılaşacaq.
Ötən gün 81 kq çəkidəki Teymur Məmmədov çinli Quoyun Şini üstələyərək, 1/8 finala yüksəlib. Onun növbəti rəqibi Yaqo Kiziriya olacaq.
Qeyd edək ki, "Sərhədçi" İdman Olimpiya Mərkəzində keçirilən Dünya Təsnifat Turniri iyunun 25-dək davam edəcək. 2016-cı il Rio-de-Janeyro Yay Olimpiya Oyunlarına lisenziya əldə etmək üçün Rüfət Hüseynov finaladək irəliləməlidir. Kamran Şahsuvarlı ilə Teymur Məmmədova isə 1/4 finalda sonradan yarışın qalibi olacaq boksçuya uduzmaları da vəsiqə qazandıracaq.
