Kolumbiya 1/4 finalda Braziliyaya rəqib oldu - YENİLƏNİB

Bu gecə DÇ-2014-ün 2-ci 1/8 final matçı keçiriləcək. Sportnet.az-ın məlumatına görə, bu görüşdə C qrupunun qalibi Kolumbiya və D qrupunun 2-cisi Uruqvay yığmaları üz-üzə gələcəklər.

Öz qrupunda keçirdiyi hər 3 oyundan qalib ayrılan Kolumbiya Uruqvay millisinin lideri Luis Suaresin məlum diskvalifikasiyasından sonra özünü bir qədər rahat hiss etsə də, bu cütlüyün favoritini göstərmək çətindir.

01:00. 1/8 final. Kolumbiya – Uruqvay 2:0
Qollar: X. Rodriqes, 28; 50.

Baş hakim: Byern Keypers (Hollandiya)

Rio-de-Janeyro şəhəri. "Marakana” stadionu.

Start heyətlər:

Kolumbiya:1. David Ospina, 2. Kristian Zapata, 3. Mario Yepes, 6. Karlos Sançez, 7. Pablo Armero (sarı vərəqə-78), 8. Amer Aqilar, 9. Teofilo Qutiyerrez (15. Meiha-68), 10. Xames Rodriqez (19. Ramos-85), 11. Xuan Kuadrado (13. Quarin-81), 18. Xuan Zuniqa, 21. Cekson Martinez.

Uruqvay: 1. Fernando Muslera, 3. Dieqo Qodin, 6. Alvaro Pereyra (18. Ramirez-53), 16. M. Pereyra, 7. Kristian Rodriqez, 13. Joze Ximenez (sarı vərəqə-55), 17. Arevalo Rios, 21. Edinson Kavani, 22. Martin Kaseres. 10. Dieqo Forlan (11. Stuani-53), 20. Alvaro Qonzalez (Hernandez-67)

Matçöncəsi maraqlı məqamlar

- Kolumbiya, son 5 DÇ matçında minumum 2 qol vurub.

- Kolumbiyada Ceyms Rodriqes son 5 matçda fərqlənə bilib.

- İki komanda sonuncu dəfə DÇ-1962-nin aşılış matçında qarşılaşmış və Uruqvay 2:1 hesabı ilə qalib gəlmişdi.

- Uruqvay Kolumbiya ilə oynadığı son 8 rəsmi qarşılaşmanın 6-da qalib gəlib.

- Uruqvayın kapitanı Dieqo Qodin son 3 qolunu də həlledivi matçlarda başla vurub.

- Uruqvayda ötən oyun rəqib futbolçunu dişləyən qolçu Luis Suares cəzalı olduğu üçün meydanda çıxmayacaq. Uruqvay onun olmadığı son iki DÇ matçından (2010, Hollandiya və 2014, Kosta Rika) məğlub ayrılıb.

 
Matç başlayır.
4-cü dəq. İlk dəqiqələrdə Kolumbiya daha aktivdir.
5-ci dəq. Rodriqesin qapı önünə asmasını Muslera çıxarır.
12-ci dəq. Kavanin səhv ötürməsindən sonra topu alan Zuniqa uzaq məsafədən zərbə vurur, Muslera 2 həmlədə topu tutur.
17-ci dəq. Matçda zəif temp müşahidə olunur.
22-ci dəq. Künc zərbəsi zamanı Martinez başla vurur. Nəticə yoxdur.
28-ci dəq. QOOOOOOL! Xames Rodriqes topu sinəsiylə saxlayıb birbaşa qapıya göndərir.
31-ci dəq. Kavanidən təhlükəli ötürmə, son anda Sançes topu meydandan çıxarır.
33-cü dəq. Kavaninin cərimə zərbəsi qapıdan azacıq aralı keçir.
38-ci dəq. Uruqvay hesabı bərabərləşdirə bilərdi. Pereyranın zərbəsində Ospina inamlı oynayır.
43-cü dəq. Armeronun ötürməsi zamanı Uruqvay vaxtında topa çıxır və təhlükənin qarşısını alır.
45+1-ci dəq. İlk hissə başa çatır.
Fasilə

Birinci hissənin statistikası

63%  Topa nəzarət        37%

1        Küncdən zərbə       1

1       Of-sayd                     1

6    Qayda pozuntusu       9

0        Sarı vərəqə              0 

0        Qırmızı vərəqə         0

İkinci hissə başlayır.
50-ci dəq. QOOOOOOL! Çoxgedişli kombinasiyadan sonra Rodriqes özünün və komandasının ikinci qolunu vurur.
53-cü dəq. Uruqvayda iki dəyişiklik. Forlanı Stuani, Alvaro Pereyranı isə Qaston Ramirez əvəz edir.
55-ci dəq. Uruqvayda Ximenez sarı vərəqə alır.
59-cu dəq. Ramirezin zərbəsini Ospina asanlıqla dəf edir.
64-cü dəq. K. Rodriqes əla vurur, Ospina son anda komandasını qoldan xilas edir.
67-ci dəq. Uruqvayda A. Qonzalezi Aber Hernandez əvəz edir.
68-ci dəq. Kolumbiyada Qutyerresi Alehandro Meiha əvəz edir.
70-ci dəq. Kavanidən hava ötürməsi, Stuani başla vura bilmir.
74-cü dəq. Ramirezin arxa küncə doğru ötürməsi, Ospina qapıya gedən topun qarşısını alır.
77-ci dəq. Uruqvayda Dieqo Luqano ehtiyat oyunçular skamyasında etiraz etdiyinə görə sarı vərəqə alır.
78-ci dəq. Armero sarı vərəqə alır.
79-cu dəq. Yepesin böyük səhvindən sonra Pereyra qapıçı ilə üz-üzə qalsa da, Ospina qola imkan vermir.
81-ci dəq. Kolumbiyada Kuadradonu Fredi Quarin əvəz edir.
84-cü dəq. Ospina daha bir epizodda Kavaniyə keçid vermir.
85-ci dəq. Kolumbiyada X. Rodriqes Adrian Ramosla əvəz olunur.
90-cı dəq. Əsas vaxta 3 dəqiqə əlavə olunur.
90+3-cü dəq. Matç bitir, Kolumbiya 14 finaldadır.

Matçın statistikası

55%  Topa nəzarət        45%

3        Küncdən zərbə       5

1       Of-sayd                     1

19    Qayda pozuntusu    17

1        Sarı vərəqə              2

0        Qırmızı vərəqə         0