ABŞ-ın Las Veqas şəhərində 2016-cı il Rio-de-Janeyro Yay Olimpiya Oyunlarına lisenziya xarakterli dünya çempionatında 5-ci yarış günündə Azərbaycanın daha 4 güləşçisi mübarizəyə qoşulub. Sportnet.az-ın məlumatına görə, yarışlar qadın güləşi üzrə 60 kq, sərbəst güləş üzrə 61, 86 və 97 kq çəki dərəcələrində gedib.
Təmsilçilərimizdən Hacı Əliyev dünya çempionu olub. Lakin çıxış etdiyi 61 kq çəki dərəcəsi olimpiya çəkisi sayılmadığından, Əliyev olimpiadaya lisenziya qazana bilməyib. Eyni sözləri qadınların mübarizəsində 60 kq çəkidə bürünc medal uğrunda görüşdə çıxacaq uduzan Netreba barədə də söyləmək olar.
Olimpiadada iştirak hüququna Məhəmmədhacı Xatıyevlə Xetaq Qazyumov yiyələnib. Qazyumov bürünc medal qazanıb, Xatıyev isə 5-ci olub. Bununla da güləşçilərimizin qazandıqları lisenziyaların sayı 10-a çatıb.Xatıyev vəsiqəni yarımfinaladək irəliləməklə, təmin edib. Qazyumov isə 1/4 finalda uduzsa da, ilk təsəlliverici görüşündən asanlıqla qalib ayrılaraq, karyerasında 3-cü dəfə olimpiadada iştirak hüququn sahib çıxıb.
1/8 final. İrina Netreba - Hafize Şahin (Türkiyə) - 11:6
1/4 final. Oksana Herhel (Ukrayna) - İrina Netreba - 5:4
Təsəlliverici görüş: İrina Netreba - Brinn Ley Qrem (Kanada) - 12:5
Bürünc medal görüşü: İrina Netreba - Ley Evelin Ceyns (ABŞ) - 4:4*
61 kq
1/8 final. Andrey Perpelita (Moldova) - Hacı Əliyev - 2:11
1/4 final. Hacı Əliyev - Masakazu Kamoi (Yaponiya) - 6:2
1/2 final. Hacı Əliyev - Vladimir Vladimirov Dubov (Bolqarıstan) - 6:2
FİNAL: Hacı Əliyev - Nomin Batbold (Monqolustan) - 10:0
86 kq
1/16 final. Halil Zubairov (Makedoniya) - Məhəmmədhacı Xatiyev - 0:10
1/8 final. Məhəmmədhacı Xatiyev - Aleksandr Villiam Dolli (İrlandiya) - 10:0
1/4 final. Məhəmmədhacı Xatiyev - Armand Zvirbulis (Latviya) - 12:1
1/2 final. Məhəmmədhacı Xatiyev - Selim Yaşar (Türkiyə) - 4:5
Bürünc medal görüşü: Məhəmmədhacı Xatıyev - Sandro Aminaşvili (Gürcüstan) - 0:1 (zədə səbəbindən güləşçimiz görüşü davam etdirə bilməyib)
97 kq
1/16 final. Xetaq Qazyumov - İvan Yankovski (Belarus) - 8:0
1/8 final. Nikolay Çeban (Moldova) - Xetaq Qazyumov - 0:5
1/4 final. Xetaq Qazyumov - Abdusalam Qadisov (Rusiya) - 0:5
Təsəlliverici görüş: Xetaq Qazyumov - Ştefan Kehrer - 10:0 (təmiz qələbə)
Bürünc medal görüşü: Xetaq Qazyumov - Elizbar Odikadze (Gürcüstan) - 4:1
Bu günə qədər yunan-Roma güləşçilərindən Rövşən Bayramov (59 kq), Elvin Mürsəliyev (75 kq), Saman Təhmasibi (85 kq) və Sabah Şəriəti (130 kq), qadın güləşçilərdən Mariya Stadnik (48 kq), Anjela Doroqan (53 kq) və Yuliya Ratkeviç (58 kq), sərbəst güləşçilərdən Toğrul Əsgərov (65 kq) 2016-cı il Rio-de-Janeyro Olimpiya Oyunlarına vəsiqə əldə edib. Yunan-Roma güləşçilərimizdən Rəsul Çunayev (71 kq) qızıl, Rövşən Bayramov (59 kq) gümüş, Saman Təhmasibi (85 kq) bürünc, qadın güləşçilərdən Mariya Stadnik (48 kq) gümüş, Yuliya Ratkeviç (58 kq) bürünc medala yiyələnib.
Qeyd edək ki, Las Veqasda keçirilən Dünya çempionatında 2016-cı il Rio-de Janeyro Yay Olimpiya Oyunlarına ilk lisenziyalar qazanılır. Çempionatda yunan-Roma güləşi üzrə, 59, 66, 75, 85, 98 və 130 kq, qadın güləşi üzrə 48, 53, 58, 63, 69 və 75 kq, sərbəst güləş üzrə isə, 57, 65, 74, 86, 97 və 125 kq çəki dərəcələrində ilk 5 yeri tutan idmançılar Olimpiadaya birbaşa vəsiqə əldə edir.
