"Biz hər oyun hücum futbolu sərgiləyirik. Qarşılaşmalara 4 hücumçu ilə çıxırıq". Sportnet.az-ın məlumatına görə, bunu "Qəbələ"nin baş məşqçisi Roman Qriqorçuk səfərdə "Rəvan"ı 3:0 hesabı ilə yendikləri Azərbaycan Premyer Liqasının VI tur matçından sonra deyib.
Yeni transferlərdən Vüqar Nadirovun hələ meydana çıxmağa tam hazır olmadığını bildirən ukraynalı mütəxəssis Derlis Meza Kollinin artıq Yunanıstan PAOK-u ilə Avropa Liqası matçında meydanda olduğunu xatırladıb. Onun fikrincə, idman qaydaları futbolçunun dincəlməli olduğunu tələb edir: "Əsas məsələ "Krasnodar"la oyuna hazır olmasıdır. Onda hər şey qaydasındadır. Biz üç xal barəsində düşünürdük. Hər iki cəbhədə mübarizə apardığımız üçün qələbə digər oyuna köklənmək baxımından önəmlidir”.
