Belçika da əlavə dəqiqələrdə 1/4 finala adladı - YENİLƏNİB

Bu gecə DÇ-2014-də son 1/4 finalçı müəyyənləşəcək. Sportnet.az-ın məlumatına görə, 1/8 finalda H qrupunun qalibi Belçika və G qrupunun 2-cisi ABŞ yığmaları üz -üzə gələcəklər.

Mundialın bəlkə də ən asan qrupuna düşən Belçika bu fürsətdən maksimum yararlanmağı bacarıb. Lakin ABŞ-ın yolu elə də asan olmadı. Almaniya, Portuqaliya və Qana kimi güclü rəqiblərlə mübarizədən Yurgen Klinsmannın komandası üzüağ çıxmaq vəzifəsinin öhdəsindən gəldi.

Bu oyuna marağı artıran daha bir məqam ABŞ yığmasının məsləhətçisi vəzifəsində millimizin baş məşqçisi Berti Foqtsun çalışmasıdır.

Cütlüyün favoriti qismində tərəflərdən heç birini göstərmək düzgün olmaz. Bəlkə də 1/8 final mərhələsinin ən maraqlı görüşü məhz bu oyun olacaq.

Baş hakim: Camel Halmudi (Əlcəzair)

Salvador şəhəri. "Fonte Nova” stadionu

Matçöncəsi maraqlı məqamlar

- ABŞ sonuncu dəfə DÇ-2002-də 1/4 final oyanyıb.

- İki komanda arasında 2013-cü ilin mayında oynanılan son matç Belçikanın 4:2 hesablı aələbəsi ilə başa çatmışdı.

- Belçika tarixində ilk dəfə DÇ qruplarındakı bütün matçlarını qazanıb və eyni zamanda ilk dəfə turnirdə ardıcıl 3 qələbə qazandı.

- ABŞ DÇ-2014-də 39 faiz göstərici ilə İrandan (30%) sonra ən az topa nəzarət edən komandadır.

- Belçikanın DÇ-lərdəki son 6 qolu matçların son 20 dəqiqəlik hissələrində gəlib.

- ABŞ mundiallarda Avropa komandalarına qarşı oynadığı 16 matçda qol buraxıb.

Start heyətlər

Belçika: 1. Tibo Kurtua, 2. Tobi Alderveyred, 5. Vertongen, 4. Vensan Kompani (sarı vərəqə-42), 6. Aksel Vitsel, 7. Kevin De Bruyne, 17. Divok Oriqi (9. Lukaku-91), 10. Eden Hazard (22. Şadli-111), 15. Daniel Van Buyten, 8. Maruan Fellaini, 14. Dris Mertens (11. Miralyas-60).

ABŞ: 1. Tim Hovard, 4. Maykl Bredli, 5. Matt Bezler, 7. Demarkus Bizli, 8. Klint Dempsey, 11. Alehandro Bedoya (16. Qrin-105+2), 13. Jermen Cons, 19. Qraham Zusi (18. Vondolovski-72), 3. Omar Qonzalez, 20. Ceof Kameron (sarı vərəqə-18), 23. Fabian Conson (2. Yedlin-32).

Matç başlayır.
1.ci dəq. Belçika matça yaxçı başlayır. Qapışi ilə təkbətək qlan Oroqiqi onu keçə bilmir.
9-cu dəq. Oyun hələ ki, Belçikanın üstünlüyündə keçir.
16-cı dəq. Bir azarkeş meydana girir, Hazard və De Bruynla görüşdükdən sonra mühafizəçilər onu meydandan çıxarır.
18-ci dəq. ABŞ-da Kameron sarı vərəqə alır.
21-ci dəq. ABŞ-dan çox gedişli kombinasiya. Sonda Bredli zərbə endirir və Kurtua topa sahib çıxır.
23-cü dəq. Belçika əks hücuma çıxır. De Bruynun zərbəsində Hovard səhvə yol vermir.
26-cı dəq. Hazardın qapı önünə ötürməsinə Fellainidən tez Bizli özünü çatdırır və qola mane olur.
29-cu dəq. Hazardın zərəsi Hovardın üstünə gedir.
32-ci dəq. ABŞ-da F.Conson zədələnir və meydanı tərk edir. Onu Deandre Yedlin əvəz edəcək.
34-cü dəq. Daha bir zərbə də Consdan gəlir, top qapının yanından keçir.
42-ci dəq. Belçikada kapitan Kompani sarı vərəqə alır.
45+1-ci dəq. De Bruyn Oriqinin ötürməsini birbaşa zərbə endirsə də, bu dəfə də qapıçı səhvsiz oynayır.
45+3-cü dəq. İlk hissə bitir.
Fasilə

Birinci hissənin statistikası

49%  Topa nəzarət        51%

8        Küncdən zərbə       3

0       Of-sayd                     0

10    Qayda pozuntusu     5

1        Sarı vərəqə              1 

0        Qırmızı vərəqə         0

47-ci dəq. De Bruynenin hava ötürməsi. Mertens vurur, Hovard yerindədir.
52-ci dəq. Fellaini də uzaqdan qapını yoxlayır, amma dəqiqlik yoxdur.
54-cü dəq. Vertongen sol cinahdan qapı önünə ötürmə göndərir. Nə De Bruyn, nə Oriqi topa toxuna bilir.
56-cı dəq. Alderveyreldin ötürməsindən sonra Oriqinin baş zərbəsi dirəyə dəyərək müydanı tərk edir.
57-ci dəq. Vertongenin zərbəsini Hovard asanlıqla zərərsizləşdirir.
60-cı dəq. Oriqi sol cinahdan cərimə meydançasına girir, topu Mertensə ötürür, sonuncunun dabanla zərbəsində azca dəqiqlik çatışmır.
60-cı dəq. Mertensi Kevin Miralyas əvəz edir.
69-cu dəq. Vitselin sərt zərbəsi dirəyin dibindən meydanı tərk edir.
71-ci dəq. Oriqinin daha bir zərbəsində Hovard qola imkan vermir.
72-ci dəq. ABŞ-da Zusi Kris Vondolovski ilə əvəz edilir.
76-cı dəq. Bu dəfə də Hovard Miralyasın yüz faizlik qol epizodunda komandasını xilas edir.
79-cu dəq. Belçikanın daha bir kompakt hücumu, topa vuran Hazarddı, Hovard yenə də keçid vermir.
83-cü dəq. Miralyasın cərimə meydançasında endirdiyi təhlükəli zərbənin qarşısını son anda Besler alır.
85-ci dəq. Oriqidən gözlənilməz zərbə, Hovard topu əla çıxarır.
88-ci dəq. Hazardı zərbəsi toru yandan silkələyir.
90-cı dəq. Kompani bom boş epizodda De Bruynenin ötürdüyü topu qapıdan keçirə bilmir.
90+2-ci dəq. Vondolovski 100 faizlik qol epizodundan yararlana bilmir.
90+3-cü dəq. Matç bitdi. Bu oyun da əlavə vaxta uzanır.

İlk əlavə hissə başlayır.
91-ci dəq. Divok Oriqini Romelu Lukaku əvəz edir.
92-ci dəq. QOOOOOOL! De Bruyne Belçikanın 90 dəqiqə axtardığı qolu vura bilir.
96-cı dəq. Belçika 2-ci qola yaxın olur. Vertongenin ləng davranması buna men olur.
101-ci dəq. Lukakunun zərbəsi Hovardda qalır.
105-ci dəq. QOOOOOL! Lukaku əks hücum zamanı yaranan fürsəti maksimm dəyərləndirir.
105+2-ci dəq. ABŞ-da Bedoya Julyan Qrinlə əvəz olunur.
105+2-ci dəq. İlk əlavə hissə bitir.
Fasilə
İkinci əlavə hissə başlayır.
107-ci dəq. QOOOOOOOL! 19 yaşlı Qrin ABŞ-ı yenidn ümidləndirir. 
108-ci dəq. Cons inanılmaz vəziyyətdə qol imkanını qaçırır.
109-cu dəq. Lukaku əks ücum zamanı qapıçı ilə üz-üzə qalır, Hovard fərqin çoxalmasına imkan vermir.
111-ci dəq. Hazardı Naser Şadli əvəz edir.
113-cü dəq. ABŞ-dan gözəl evtapşırığı, Belçika müdafiəsi son anda qoldan xilas olur.
117-ci dəq. Vondolovski cərimə meydançasında yanına gələn topa vura bilmir.
120+1-ci dəq. Matç bitir, Belçika 1/4 finaldadır.