Bu gecə DÇ-2014-də ikinci yarımfinalçı müəyyənləşəcək. Sportnet.az-ın məlumatına görə, 1/4 finalda Braziliya və Kolumbiya yığma komandaları üz-üzə gələcəklər.
Hər iki komanda qrup mərhələsini 1-ci pillədə başa vuraraq, 1/8 finala yüksəlib. Yarışın bu mərhələsində Braziliya Çilinin müqavimətini yalnız matçsonrası penati zərbələri ilə qıra bilib. Kolumbiya isə Uruqvayın qapısında 2 cavabsız top keçirərək, adını ¼ finala yazdırıb.
İstənilən oyunda Braziliya yığması favorit kimi göstərilir. Üstəlik Luis Felipe Skolarinin rəhbərlik etdiyi komanda mundiala ev sahibliyi edir. Əlbəttə, bütün bu amillər Braziliya yığmasının lehinə işləyir. Lakin tərəzinin gözündə dünya çempionatının yarımfinalına vəsiqə dayanır və belədə, Kolumbiyanın başından da hündürə tullanmağa cəhd edəcəyinə şübhə yeri qalmır.
05 iyul
01:00. Braziliya - Kolumbiya 2:1
Qollar: Tyaqo Siva, 7. David Luis, 69. - Hames, 79
Baş hakim: Karlos Velasko Karbalyo (İspaniya)
Baş hakim: Karlos Velasko Karbalyo (İspaniya)
Fortaleza şəhəri. "Kastelao” stadionu
Vərəqələr: Silva, 64, Julio Sezar, 78. - Rodriges Hames, 68, Yepes Mario, 71 - hamısı sarı.
Vərəqələr: Silva, 64, Julio Sezar, 78. - Rodriges Hames, 68, Yepes Mario, 71 - hamısı sarı.
Matçöncəsi maraqlı məqamlar
- Braziliya və Kolumbiya yığmaları arasında ilk görüş 1945-ci ilə təsadüf edir. Həmin qarşılaşmada Braziliya yığması 3:0 hesablı qələbə qazanıb.
- 1957-ci ildə Braziliya Cənubi Amerika çempionatında Kolumbiyanın qapısından 9 cavabsız top keçirərək, rekord nəticəni müəyyənləşdirib.
- Kolumbiya yığmasının Braziliya üzərində ilk qələbəsi 1960-cı ilə təsadüf edir. Olimpiadanın seçmə mərhələsində səfərdə braziliyalılardan alınan 1:7 hesablı məğlubiyyətdən sonra, əldə olunan 2:0-lıq qələbə çətin ki, Kolumbiyanın dərdinə məlhəm oldu.
- Şəxsi görüşlərin statistikası Braziliya - Kolumbiya: +20; =10; -5; 76-25
- Kolumbiya yığması tarixində ilk dəfə dünya çempionatının 1/4 finalında mübarizə aparacaq.
Start heyətlər.
Braziliya: 1. Julio Sezar 3. Tyaqo Silva, 4. David Luis, 5. Fernandinyo, 6. Marselo, 7. Xalk (Ramires Sntos, 82), 8. Paulinyo (Ernanes Lima, 86), 9. Fred, 10. Neymar (Adriano, 88), 11. Oskar, 23. Maykon
Kolumbiya: 1. Ospina, 2. Zapata, 3. Yepes, 6. Sançes, 7. Armero, 9. Teo (Karlos Bakka, 70), 10. Hames, 11. Kuadrado (Kintero, 81), 13. Quarin, 14. İbarbo (Ramos, 46), 18. Zuniga
dəq.4 Braziliya cərimə zərbəsi hüququ qazandı. Neymarın zərbəsi nə dəqiq alındı, nə də qüvvətli.
dəq.7 Neymarın künc zərbəsindən ötürdüyü topa Tyaqo Silva yaxın məsafədən dəqiq zərbə endirdi - 1:0
dəq.10 Quarinin cərimə zərbəsi uğursuz alındı.
dəq.11 Kuadradonun 17 metrlikdən endirdiyi zərbə Tyaqo Silvaya toxunduqdan sonra qapı dirəyinin yanından keçdi. Künc zərbəsi heç bir dividend gətirmədi.
dəq.15 Oyunda hələ ki, vərəqə yoxdu. Oyun isə olduqca sərt mübarizə şəraitində keçir.
dəq.17 Halk səhnəyə çıxdı. Ancaq onun qapıçı meydançasına ötürməsindən sonra komanda yoldaşları topa yetişə bilmədilər.
dəq.19. Halk - Neymar - Halk paslaşmasından sonra Ospina təkbətək mübarizədən qalib ayrılaraq, Braziliyanın 2-ci dəfə sevinməsinə imkan vermir.
dəq.24. Deyəsən braziliyalılar topla birlikdə Kolumbiya yığmasının qapısına girmək istəyirlər. Hər halda cərimə meydançasına asanlıqla daxil olan meydan sahibləri nədənsə son zərbə vurmağa tələsmirlər.
dəq.28. Yenə Halk zərbə mövqeyinə çıxdı. Əla da zərbə endirdi. Ancaq Ospina möhtəşəm qurtarışla Braziliyanın 2-ci dəfə sevinməsinə imkan vermədi.
dəq.32 Skolarinin yetirmələri rəqibini ustalıq səviyyəsində üstələyirlər. Kolumbiya isə tək istək hesabına bu fərqi kompensasiya edə bilmir.
dəq.36 Hamesin 19 metrlikdən endirdiyi cərimə zərbəsindən sonra Karlos Karbalyo əlini cibinə atmağa borclu idi. Lakin braziliyalı müdafiəçilərin zərbədən öncə özlərini topun qarşısına atmasına referi göz yumdu.
dəq.42 Neymara qarşı qayda pozuntusu. Qapıdan cəmi 20 metr aralıda.
dəq.43 Zərbəni Neymar özü yerinə yetirdi. Ancaq top qapının üstündən keçdi.
dəq.45 İlk yarının son dəqiqələri Braziliya yığmasının nəzarəti altında keçir.
Birinci hissə başa çatdı.
dəq.46 İkinci hissə başladı. Kolumbiya yığması 2-ci hissəyə əvəzetməylə başlayır: Viktor İbarbo Adrian Ramosun əvəzinə meyndana daxil olur.
dəq.50 Hələ ki, Kolumbiya yığmasının əvəzetməsi heç bir bəhrə vermir.
dəq.53 Hələ ki, Xose Pekermanın rəhbərlik etdiyi yığmanın nəyin hesabına rəqib qapısına yol tapacağını söyləmək mümkün deyil. Braziliya oyuna nəzarət edir.
dəq.57 Deyəsən hər iki komanda qapıların harada yerləşdiyini unudub.
dəq.61 Braziliyanı oyunun bu cür axarı tam qane edir.
dəq.64 Tyaqo Silva Ospina topu oyuna daxil edərkən, qolkiperə mane olur və hakim ona sarı vərəqə göstərir. Bu, DÇ-2014-də Silvanın 2-ci sarı vərəqəsidir və o, Braziliya yığması yarımfinala çıxacağı təqdirdə, həmin görüşdə forma geyinə bilməyəcək.
dəq.69. David Luis cərimə zərbəsindən fərqi ikiyə çatdırır.
dəq.72. Kolumbiya yığmasında daha bir dəyişiklik: Karlos Bakka Teonun əvəzinə meydançaya daxil olur.
dəq.78 Braziliya yığmasının qapısına penalti təyin olunur.
dəq.79 Hames penalti zərbəsini dəqiq yerinə yetirir və Kolumbiyaya, az da olsa xilas olmaq üçün şans gətirir.
dəq.84. Qoldan ruhlanan Kolumbiya təzyiqi artırıb.
dəq.87 Neymar zədələnir və oyunu davam etdirə bilmir.
dəq.90. Hakim əsas vaxta 5 dəqiqə əlavə etdi
90+2. Adrian Ramos künc zərbəsindən sonra topu başı ilə uzaq küncə göndərsə də, ona dəqiqlik çatmadı.
90+4. Kolumbiya cərimə zərbəsi vurur. Ospina da rəqibin cərimə meydançasına gəlir. Bu da fayda vermir.
Matç bitdi.
dəq.72. Kolumbiya yığmasında daha bir dəyişiklik: Karlos Bakka Teonun əvəzinə meydançaya daxil olur.
dəq.78 Braziliya yığmasının qapısına penalti təyin olunur.
dəq.79 Hames penalti zərbəsini dəqiq yerinə yetirir və Kolumbiyaya, az da olsa xilas olmaq üçün şans gətirir.
dəq.84. Qoldan ruhlanan Kolumbiya təzyiqi artırıb.
dəq.87 Neymar zədələnir və oyunu davam etdirə bilmir.
dəq.90. Hakim əsas vaxta 5 dəqiqə əlavə etdi
90+2. Adrian Ramos künc zərbəsindən sonra topu başı ilə uzaq küncə göndərsə də, ona dəqiqlik çatmadı.
90+4. Kolumbiya cərimə zərbəsi vurur. Ospina da rəqibin cərimə meydançasına gəlir. Bu da fayda vermir.
Matç bitdi.
