"İnter"in yarımmüdafiəçisi Elvin Məmmədovun Sportnet.az-a müsahibəsi
- Əvvəlcə "Tiraspol"la cavab oyunu haqda fikirlərinizi öyrənmək istərdik...
- Özüm zədə üzündən iştirak etməyəcək. Komandama uğurlar arzulayıram. Əsas məqsədimiz mərhələ keçməkdir. İnanıram ki, öhdəsindən gələrik. Şanslarımızı 50/50-yə dəyərləndirirəm.
- İlk oyunda 3:2 hesabı ilə qalib gəldiniz. Halbuki 3:0 hesabı ilə öndə idiniz. Sonradan buraxdığınız qollar "Tiraspol"u Bakıda qələbəyə həvəsləndirə bilərmi?
- Düz qeyd etdiniz. Biz onlara şans verdik ki, bura daha yüksək motivasiya ilə gəlsinlər. Komanda olaraq bunun öhdəsindən gələcəyik.
- "Tiraspol" erməni futbolçusu Artyom Xaçaturovu Bakıya gətirməyəcək...
- Bu, bizim qərarımız deyil. Xaçaturovu gətirməyiblərsə, deməli, belə məsləhətdir.
- Gəlsəydi, ona qarşı münasibət necə olardı? Yəni həm futbolçu, həm də erməni kimi...
- Gəlsəydi, həm rəqib futbolçu, həm də düşmən kimi münasibət göstərəcəkdik.
- Ötən il "İnter" Avroliqada mübarizəni 2-ci mərhələdə dayandırdı. Bu dəfə daha çox mərhələ keçəcəyinizə inanırsınız?
- Klub rəhbərliyinin bizə verdiyi tapşırıq maksimum mərhələ keçməkdir. Lakin biz ilk olaraq "Tiraspol"la matçı fikirləşirik. Bundan sonra növbəti mərhələlər haqda düşünmək olar.
- Cavid Hüseynov "Qəbələ"yə transfer olunduqdan sonra "İnter"ə Sizə görə keçmədiyini deyib...
- Mən Cavidlə də söhbət etmişdim. O sözü başqa mənada deyəsi oğlan deyil. Bir-birimizi yaxşı tanıyırıq, daim bir-birimizə dəstək olmuşuq. Onunla danışdım, sadəcə, "Qəbələ" variantının ona daha uyğun olduğunu və bu səbəbdən, "İnter"i seçmədiyini dedi.
- Yeri gəlmişkən, "Qəbələ"nin Avroliqadakı çıxışı barədə nə deyə bilərsiniz?
- "Şiroki Briyeq"lə ilk oyunun icmallarına baxmışam. İnanıram ki, "Qəbələ" mərhələ keçəcək. "Qarabağ", "Neftçi", "Qəbələ" və "İnter"ə avrokuboklarda uğurlar arzu edirəm.
Rövşən ƏHLİMANOĞLU
