Çempionlar Liqasının II təsnifat mərhələsində "Qarabağ"ın rəqibi olan Maltanın "Valetta" klubu 6 transfer birdən edib. Sportnet.az-ın klubun rəsmi saytına istinadən məlumatına görə, qapıçı Niki Velya, sahə oyunçuları Rayan Kamilleri, Adrian Zahra, Hamed Alkamali, Rafael Kusonna və Uqo Faria bundan sonra sonuncu Malta çempionunun formasını geyinəcək.
Klub prezidenti Viktor Skiriha braziliyalı hücumçu Denninin komandadan ayrıldığını bildirib. O, bunun səbəbini forvardın ailə daxili səbəblərdən Braziliyaya döndüyünü söyləyib.
Qeyd edək ki, "Qarabağ"la "Valletta" arasında keçiriləcək ilk görüş iyulun 15-i Maltada, cavab oyunu isə iyulun 22-si Bakıda baş tutacaq.
