Voleybolçu qadınlardan ibarət "Azəryol" klubunun yeni baş məşqçisi müəyyənləşib. Klubdan Sportnet.az-a verilən məlumata görə, bu, Eldar Yusubovdur.
Gənc mütəxəssis bu vəzifədə Ziya Rəcəbovu əvəzləyib.
Qeyd edək ki, Eldar Yusubov əvvəllər "Telekom" və "Rabitə" komandalarında baş məşqçi kimi çalışıb. O, "Rabitə"də ikən Azərbaycan Super Liqasının qızıl, Çempionlar Liqasının bürünc medalını qazanıb.
