Kişi voleybolçular arasında keçirilən Avropa çempionatının final oyununda Sloveniya və İtaliya yığmaları qarşılaşacaq.
Sportnet.az-ın məlumatına görə, bu gün keçiriləcək görüş Bakı vaxtı ilə saat 22:30-da başlanacaq. Üçüncü yer uğrunda görüşdə isə Polşa və Serbiya milliləri üz-üzə gələcək.
Yarımfinalda Sloveniya Polşanı 3:1 (17:25, 32:30, 25:16, 37:35) hesabı ilə yenib. İtaliya da Serbiyaya eyni hesabla qalib gəlib - 3:1 ( (29:27, 25:22, 23:25, 25:18).
Qeyd edək ki, Avropa çempionatı Polşa, Finlandiya, Çexiya və Estoniyada keçirilir. 24 ölkə yığmasının bölündüyü 4 qrupun hər birindən pley-offa 4 komanda yüksəlib. Son olaraq, çempion adını Serbiya qazanıb.
