Avropa Liqasında Albaniyanın "Kukesi" və Polşanın "Legiya" komandaları arasındakı matç meydan sahiblərinin azarkeşlərinin davranışı üzündən dayandırılıb. Sportnet.az-ın məlumatına görə, ikinci hissənin əvvəlində hesab 2:1 "Legiya"nın xeyrinə olduğu vaxt meydana daş atılıb.
Həmin daş Polşa klubunun yarımmüdafiəçisi Andrey Duduya dəyib. Futbolçu meydandan xərəklə aparılıb.
İsveçrəli baş hakim Ştefan Klossner matçı dayandırıb. Olayla əlaqədar "Kukesi"yə texniki məğlubiyyətin veriləcəyi gözlənilir.
