AFFA İntizam Komitəsi 3 futbolçunu cəzalandırıb.
Sportnet.az-ın məlumatına görə, Premyer Liqanın XVI turunun AZAL – "Qarabağ” matçının 45+3-cü dəqiqəsində meydan sahiblərinin futbolçusu Sadio Tounkara ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimələnib.
"Zirə” – "Kəpəz” matçında meydan sahiblərinin 5, qonaqların isı 4 futbolçuları sarı vərəqə ilə cəzalandıqları üçün hər iki kluba 800 manat cərimə kəsilib.
28-ci dəqiqədə "Zirə”nin futbolçusu Meza Colli və matçın 90+3-cü dəqiqəsində "Kəpəz”in oyunçusu Renan Da Silva aqressiv davranışa görə birbaşa qırmızı vərəqə alaraq meydançadan kənarlaşdırıldıqları üçün hər iki legioner 2 oyun cəzalanıb, klublar 1600 manat cərimə olunub.
"Qəbələ" isə "Neftçi” ilə qarşılaşmada 4 futbolçusunun sarı vərəqə alması səbəbindən 800 manat ziyana düşüb.
