Fransanın Nitsa şəhərində Atletika idman növü üzrə veteranlar arasında Avropa Oyunlarında Azərbaycan idmançısı qızıl medal qazanıb. Azərbaycan Atletika Federasiyasından Sportnet.az-a verilən məlumata görə, Tamilla Bunyatova nizə atma növündə yarışların qalibi olub.
Albert Menyayev yadro itələmə və şüvüllə tullanma, Sadıq Sadıqov 800 və1500 metr məsafəyə qaçışda gümüş medal qazanıb. Nəticədə Azərbaycanın 3 veteran atleti yarışı 1 qızıl və 4 gümüş medalla başa vurub.
Qeyd edək ki, veteranlar arasında Avropa Oyunları 1-11 oktyabrda keçirilib.
