Türkiyənin ağırlıqqaldırma üzrə üçqat olimpiya çempionu Naim Süleymanoğlu reanimasiyaya yerləşdirilib.
Sportnet.az "Fanatik”ə istinadən xəbər verir ki, qara ciyər çatışmazlığından əziyyət çəkən 50 yaşlı veteran idmançının durumu ağır olaraq qiymətləndirilir. Onun qara ciyərinin dəyişdirilməsinə ehtiyac var.
Türkiyənin idman naziri Aşkın Bak da Bakırköy Sadi Konuk xəstəxanasına yerləşdirilən Süleymanoğlunun ziyarət edib.
Qeyd edək ki, Naim Süleymanoğlu 1988, 1992 və 1996-cı il Yay Olimpiya Oyunlarının qalibidir. O, yeddiqat dünya və ikiqat Avropa çempionudur.
