Potuqaliyanın Anadia şəhərində idman gimnastika üzrə Dünya Kubokunda macar idmançı Dorina Boczogo qızıl medal əldə edib. Sportnet.az-ın məlumatına görə, bununla Bakı 2015-də iştirak edəcək D.Bozcogo Avropa gimnastlarının qazandığı iki qızıl medaldan birinə sahib çıxıb.
Birinci Avropa Oyunlarında mübarizə aparan digər dörd gimnast da Anadiada medal qazanmağa müvəffəq olub. İsveçli Emma Larson gimnastika tiri kateqoriyasında qalib olub. Həmin yarışda Latviya isə iki medalla fəxri kürsüyə yüksəlib. Belə ki, Dmitris Trefilovs gimnastika atı növü üzrə yarışda gümüş, Vitalis Kardasovs dayaqla tullanma növü üzrə yarışda bürünc medala sahib çıxıb.
Portuqaliyalı gimnast Ana Filipa Martins müxtəlif hündürlüklü qollar növü üzrə yarışda ikinci, sloveniyalı gimnast Sasa Golob üçüncü yerlə kifayətlənməli olub.
Birinci Avropa Oyunlarında iştirak edəcək gimnastlardan İsraili təmsil edən Tzuf Feldon isə güclü çıxış nümayiş etdirərək gimnastika tiri növü üzrə dördüncü yeri qazanıb.
Digər səkkiz qalib Kuba, Kolumbiya, Venesuela və Argentinanı təmsil edən gimnastlar olub.
