Almaniya yığmasının məşqçilər heyəti DÇ-2014-ün finalında Argentina millisinin hücumçusu Lionel Messini neytrallaşdırmaq üçün plan hazırlayıb. Sportnet.az-ın məlumatına görə, bu barədə Bundestimin köməkçi-məşqçisi Hans-Diter Flik açıqlama verib.
O deyib: "Finalda hollandiyalıların Messini necə saxladıqlarını gördük. Bizim də onun üçün xüsusi planımız var. Təbii ki, detalları açıqlamayacağam. Kompakt, mütəşəkkil komandaya qarşı çıxış edəcəyimizi anlayıram. Rəqiblərimiz haqda çox şeyi bilirik. Yığmamız favorit rolunu qəbul etməli olacaq. Amma heç kim finalın necə cərəyan edəcəyini bilmir. Bu, yarımfinala heç oxşamayacaq".
Qeyd edək ki, iyulun 12-də Bakı vaxtı ilə saat 24:00-da başlanacaq Almaniya - Argentina matçı Rio-de-Janeyrodakı "Marakana" stadionunda keçiriləcək.
