IV İslam Həmrəyliyi Oyunlarında futbol matçlarını idarə etmək üçün Azərbaycandan iki hakimlər briqadası ayrılacaq.
Sportnet.az-ın məlumatına görə, bu barədə "Report”a AFFA Hakimlər Komitəsinin sədri Xaqani Məmmədov bildirib.
O, deyib ki, bununla bağlı İslam Həmrəyliyi Oyunlarının Əməliyyat Komitəsindən (AİHOƏK) AFFA-ya müraciət olunub. X.Məmmədovun sözlərin görə, briqadaların tərkibi hələlik müəyyənləşməyib: "Bununla bağlı bizə dünən müraciət olunub. İslamiadada futbol matçlarını idarə etmək üçün 2 referi və 6 köməkçi-hakim ayıracağıq. Lakin birqadaların tərkibini hələ müəyyənləşdirməmişik”.
Qeyd edək ki, IV İslam Həmrəyliyi Oyunları 12 – 22 mayda Bakıda keçiriləcək.
