Bu gün "Formula 1" üzrə Fransa Qran Prisi keçiriləcək.
Sportnet.az xəbər verir ki, mövsümün 8-ci Qran-prisi Fransanın Marsel şəhərinin Le Kastelle kəndi yaxınlığındakı Pol Rikar trasında təşkil olunacaq.
Cari mövsüm ərzində keçirilmiş 7 Qran-priyə əsasən turnir cədvəlinə 162 xalla "Mercedes" pilotu Lüis Hemillton başçılıq edir. İkinci pillədə 133 xalla onun komanda yoldaşı Valtteri Bottas, üçüncü pillədə isə 100 xalla "Ferrari" pilotu Sebastyan Fettel qərarlaşıb.
Ötən günün kvalifikasiya yürüşünün nəticələrinə əsasən, ilk 3 sırada Lüis Hemillton, Valtteri Bottas və Şarl Lekler qərarlaşıb.
