Azərbaycanın və “Qəbələ” İdman Klubunun MMA döyüşçüsü Tofiq Musayevin "Global Fıght League"dəki komandası bəlli olub.
Sportnet.az xəbər verir ki, o, bu təşkilatın bayrağı altında ilk döyüşünü apreldə keçirəcək.
Komandaların iştirakı ilə baş tutacaq turnir BƏƏ, Braziliya və ya ABŞ-da təşkil olunacaq. İdmançılar 2 nəfərdən ibarət komandaların tərkibində döyüşəcəklər.
Musayev UFC-dəki çıxışı ilə tanınan rusiyalı Damir İsmaqulovla eyni komandada mübarizə aparacaq. İştirakçı komandalar müxtəlif şəhərlərin adlarını daşıyacaq.
Musayevlə İsmaqulov “Dubay” adlanan komandada yer alıblar. Onları Həbib Nurməhəmmədovun məşqçisi olmuş Xavyer Mendes hazırlayacaq. Yarış iştirakçıları arasında UFC və “Bellator”dan tanınan Kevin Li, Sidney Autla, Patrik Pitbul, Lukas Martins, Ben Henderson, Tonu Ferqyuson kimi məşhur idmançılar da olacaq.
