Azərbaycanın sərbəst güləş üzrə gənclərdən ibarət yığma komandası Dağıstanın Levaşi rayonunda Rusiyanın ictimai və dövlət xadimi Nurbaqand Qapizovun xatirəsinə həsr olunmuş 1995-97-ci il təvəllüdlü gənclər arasında keçiriləcək I beynəlxalq turnirdə iştirak edəcək. Sportnet.az-ın məlumatına görə, turnirə 8 idmançı yollanacaq.
Böyük məşqçi Əsgərxan Novruzov və məşqçi Siracuddin Eldarovun rəhbərli etdiyi heyətdə Arif Hüseynov (50 kq), Əfqan Xaşalov (55 kq), Əli Rəhimzadə (60 kq), Pənah İlyaslı (66 kq), Murad Süleymanov (74 kq), Hacımurad Məhəmmədsəidov (84 kq), Məhəmmədrəsul Qazıməhəmmədov (96 kq) və Həmzətxan İsrapilov (120 kq) yer alacaq.
Qeyd edək ki, turnir 2-4 oktyabrda keçiriləcək.
