Dağıstanın Buynak rayonunda dövlət xadimi Xizri Şıxsaidovun mükafatı uğrunda sərbəst güləş üzrə beynəlxalq turnir keçiriləcək. Sportnet.az-ın məlumatına görə, turnirdə sərbəst güləş üzrə Azərbaycan yığma komandasının bəzi üzvləri iştirak edəcək.
Yığmanın məşqçisi Siracuddin Eldarovun rəhbərliyi altında qonşu respublikaya 8 güləşçi yollanacaq. Bunlar Pərviz İbrahimov, Mircəlal Həsənzadə (hər ikisi 57 kq), Ağahüseyn Mustafayev (61 kq), Ağaəli Ramazanov, Samir Rzayev (hər ikisi 65 kq), Mircəfər Murtuzlu (74 kq), Məhəmməd Abdulxalikov və Hacımurad Məhəmmədsəidovdur. (hər ikisi 86 kq)
Qeyd edək ki, beynəlxalq turnir 23-25 oktyabrda keçiriləcək.
