Dekabrın 10-da Çeboksari şəhərində Çuvaş Respublikasının başçısının mükafatı uğrunda qadın güləşi üzrə açıq Rusiya Kuboku start götürəcək. Sportnet.az-ın məlumatına görə, 2 gün davam edəcək yarışda Rusiya , Azərbaycan, Belarus, Qazaxıstan, Monqolustan, İsveç və ABŞ idmançıları qatılacaq.
Rusiya Kubokunda 8 çəki dərəcəsində qaliblər müəyyənləşəcək. Azərbaycanı Leyla Qurbanova (53 kq), Alyona Kolesnik (55 kq) və Tatyana Omelçenko (58 kq) təmsil edəcək. Turnirin ümumi mükafat fondu 120 min dollardır.
Qeyd edək ki, proqrama əsasən, sabah bütün çəki dərəcələrində ilkin və təsəlliverici görüşlər, ertəsi gün isə final görüşləri keçiriləcək.
