Finlandiyanın Tampere şəhərində güləş üzrə gənclər arasında Dünya çempionatı davam edir.
Sportnet.az-ın məlumatına görə, beşinci yarış günündə 50 kq, 60 kq, 74 kq və 96 kq çəki dərəcələrində yunan-Roma güləşçiləri mübarizəyə qoşulub.
Azərbaycan təmsilçilərindən yalnız 74 kq çəki dərəcəsində mübarizə aparan Nəsir Həsənov mükafatçılar sırasına düşə bilib. O, Polşa və Kanadadan olan rəqiblərini üstələsə də, ABŞ təmsilçisi ilə gərgin keçən görüşdə uduzub. Rəqibin finala yüksəlməsi Həsənova təsəlliverici görüşə qatılmaq şansı verib. Bu zaman Almaniya idmançısına qalib gələn azərbaycanlı pəhləvan bürünc medal uğrunda görüşə haqq qazanıb. Həlledici görüşdə onun rəqibi İsveç idmançısı olub. Rəqibə heç bir şans verməyən Həsənov çempionatın bürünc medalını qazanıb.
50 kq
1/4 final. Poya Sulat Dad Marz (İran) - Zülfüqar Əliyev - 6:2
1/8 final. Zülfüqar Əliyev - Ramaz Silaqava (Gürcüstan) - 1:0
60 kq
1/16 final. Kamran Mirzəliyev - Seydilla Tazayev (Türkmənistan) 2:6
74 kq
Bürünc medal görüşü. Nəsir Həsənov - Per Albin Olofsson (İsveç) - 10:1
Təsəlliverici görüş. Karan Mosebax (Almaniya) - Nəsir Həsənov - 9:13
1/4 final. Kamal Amir Bey (ABŞ) - Nəsir Həsənov - 7:4
1/8 final. Con Yets (Kanada) - Nəsir Həsənov - 3:4
1/16 final. Kriştof Marek Niklas (Polşa) - Nəsir Həsənov - 2:5
96 kq
1/16 final. Kiril Milenov Milov (Bolqarıstan) - Tehran Əminzadə - 2:1
