Türkiyənin İstanbul şəhərində 23 yaşadək güləşçilər arasında keçirilən Avropa çempionatında Azərbaycan millisi daha 3 medal qazanıb.
Sportnet.az-ın məlumatına görə, sərbəst güləşçilər ötən gün 2 gümüş və 1 bürünc medalla başa vurub.
Onlardan 2-si - Əfqan Xaşalov (57 kq) və Ənvərbəy Dalqatov (65 kq) yarımfinalda almaniyalı rəqiblərinə tam üstünlüklə qalib gəliblər. Lakin onlar finalda Rusiya təmsilçilərinə uduzaraq, gümüş medal əldə ediblər.
1/4 finalda uduzan Pənah İlyaslı (70 kq) və Murad Süleymanov (79 kq) isə təsəlliverici görüşlərə qatılıb. Təsəlliverici görüşü qələbə ilə tamamlayan hər iki güləşçi bürünc medal qarşılaşmasına haqq qazanıb. İlyaslı həlledici görüşü uduzsa da, Süleymanov rəqibinə tam üstünlüklə vaxtından əvvəl qalib gələrək çempionatın bürünc medalına sahib olub.
57 kq
FİNAL. Əfqan Xaşalov - İbrahim İlyasov (Rusiya) - 4:10
1/2 final. Əfqan Xaşalov - Viktor Lizen (Almaniya) - 8:0
1/4 final. Taras Markoviç (Ukrayna) - Əfqan Xaşalov - 3:4
65 kq
FİNAL. Naçin Kuular (Rusiya) - Ənvərbəy Dalqatov - 4:0
1/2 final. Ənvərbəy Dalqatov - Nikitas Dorn (Almaniya) - 3:0
1/4 final. Ənvərbəy Dalqatov - Andrey Svirid (Ukrayna) - 10:0
1/8 final. Dimitar İvanov (Bolqarıstan) - Ənvərbəy Dalqatov - 4:14
70 kq
Bürünc medal görüşü. Pənah İlyaslı - Gevorq Mxeyan (Ermənistan) - 2:6
Təsəlliverici görüş. Botond Qulyas (Macarıstan) - Pənah İlyaslı - 0:10
1/4 final. Aleksey Boruta (Ukrayna) - Pənah İlyaslı - 6:5
1/8 final. Mixail Georgiyev (Bolqarıstan) - Pənah İlyaslı - 3:3*
79 kq
Bürünc medal görüşü. Murad Süleymanov - Engin Raşid İsmail (Bolqarıstan) - 11:0
Təsəlliverici görüş. Harun Omerhodzic (Bosniya və Herseqovina) - Murad Süleymanov - 0:10 (34 san.)
1/4 final. Conni Cast Bar (Fransa) - Murad Süleymanov - 4:2
1/8 final. Alan Amirov (Latviya) - Murad Süleymanov - 0:10
