Azərbaycan taekvondoçusu Minayə Əkbərova Bolqarıstanın paytaxtı Sofiyadakı Avropa çempionatında yarımfinal görüşünə çıxıb.
Sportnet.az-ın məlumatına görə, 46 kq-da mübarizə aparan idmançı bu raundda rusiyalı Larisa Medvedeva ilə üz-üzə gəlib.
Rəqibinə 2:15 hesabı ilə uduzan Əkbərova finala çıxa bilməsə də, yarışı bürünc medalla başa vurub.
Bu gün mübarizəyə qoşulan Azərbaycanın digər 3 taekvondoçusu isə medalsız qalıb. Kişilərin yarışında 54 kq-dakı Bəhruz Quliyev 1/8 finalda serbiyalı Mateya İvanoviçə minimal fərqlə məğlub olub - 13:14.
58 kq çəki dərəcəsində yarışan Pərviz İsgəndərov Avropa çempionatına uğursuz start verib. O, 1/16 finalda Moldova təmsilçisi Stepan Dmitrovla bacarmayıb - 3:10.
Qadınların mübarizəsində Patimat Abakarova 1/8 finalda italiyalı Martina Korellinini 12:6 hesabı ilə üstələsə də, növbəti mərhələdə Rumıniya idmançısı Liana Musteata uduzub - 7:15.
Qeyd edək ki, Avropa çempionatına aprelin 11-də yekun vurulacaq. Azərbaycanı yarışda 11 taekvondoçu təmsil edir.
----------------------
Azərbaycan taekvondoçusu Minayə Əkbərova Bolqarıstanın paytaxtı Sofiyadakı Avropa çempionatında yarımfinala yüksəlib.
Sportnet.az-ın məlumatına görə, 46 kq-da mübarizə aparan idmançı 1/4 finalda bolqarıstanlı Qabriele Katsarovaya qalib gələrək, növbəti raunda vəsiqə qazanıb.
Görüşün əsas vaxtı heç-heçə başa çatıb - 2:2. Əlavə vaxtda 2:0 hesablı qələbə qazanan taekvondçu ən azı bürünc medalı özü üçün təmin edib.
Əkbərova yarımfinalda rusiyalı Larisa Medvedeva ilə qarşılaşacaq.
Qeyd edək ki, Minayə Əkbərova 1/8 finalda Almaniya təmsilçisi Özlem Gürüzü mübarizədən kənarlaşdırıb.
-----------------
Azərbaycanın 4 taekvondoçusu bu gün Bolqarıstanın paytaxtı Sofiyada start götürəcək Avropa çempionatında mübarizəyə başlayır.
Sportnet.az-ın məlumatına görə, kişilər arasında 54 kq çəki dərəcəsində Bəhruz Quluzadə 1/8 finalda Mateya İvanoviç (Serbiya) ilə üz-üzə gələcək.
58 kq-da yarışan Pərviz İsgəndərov 1/16 finalda Stepan Dmitrov (Moldova) ilə qarşılaşacaq.
Qadınlardan Minayə Əkbərova (46 kq) 1/8 finalda Almaniyanı təmsil edən Özlem Gürüzün, 2016-cı il Rio Yay Olimpiya Oyunlarında bürünc medal qazanan Patimat Abakarova (49 kq) eyni raundda Martina Korellinin (İtaliya) müqavimətini qırmağa çalışacaq.
Qeyd edək ki, Avropa çempionatına aprelin 11-də yekun vurulacaq. Azərbaycanı yarışda 11 taekvondoçu təmsil edir.
Avropa çempionatı
8 aprel
Kişilər
54 kq
1/8 final. Bəhruz Quliyev - Mateya İvanoviç (Serbiya) - 13:14
58 kq
1/16 final. Pərviz İsgəndərov - Stepan Dmitrov (Moldova) - 3:10
Qadınlar
46 kq
1/8 final. Minayə Əkbərova - Özlem Gürüz (Almaniya) - 17:8
1/4 final. Minayə Əkbərova - Qabriela Katsarova (Bolqarıstan) - 4:2
1/2 final. Minayə Əkbərova - Larisa Medvedeva (Rusiya) - 2:15
49 kq
1/8 final. Patimat Abakarova - Martina Korellinin (İtaliya) - 12:6
1/4 final. Patimat Abakarova - Liana Musteata (Rumıniya) - 7:15
