Azərbaycanın daha 4 yunan-Roma güləşçisi Serbiyanın paytaxtı Belqraddakı dünya çempionatında mübarizəyə başlayıb.
Sportnet.az-ın məlumatına görə, 63 kq çəki dərəcəsində çıxış edən Taleh Məmmədov 1/8 final mərhələsində latviyalı Aleksandr Yurkyansı 7:3,
1/4 finalda kubalı Luis Alberto Orta Sançesi 3:1 hesabı ilə yenib. Yarımfinalda onun rəqibi serbiyalı Sebastian Nad olacaq.
67 kq çəkidə Həsrət Cəfərov 1/16 finalda meksikalı Dieqo Martineslə görüşməli olsa da, rəqib zədələndiyi üçün görüşə çıxmayıb. Nəticədə Cəfərov 1/8 finala yüksəlib. O, sonrakı görüşlərində yaponiyalı Katsuaki Endonu 9:0. çinli Husiyuetu Husiyuetunu 7:0 hesabı ilə üstələyib. Yaırmfinalda rəqib serbiyalı Mate Nemes olacaq.
97 kq-dakı Arif Niftullayev 1/16 finalda avstriyalı Daniel Qastlinin 3:2, 1/8 finalda litvalı Vilius Laurinaitisi 9:0, 1/4 finalda macarıstanlı Aleks Gerqo Sokeni 10:2 hesabı ilə məğlub edib. Yarımfinalda rəqib bolqarıstanlı Kiril Milenov Milov olacaq.
82 kq-da yarışan dünya və Avropa çempionu Rafiq Hüseynov isə 1/8 finalda yaponiyalı Yuya Okajimanı üstələsə də, 1/4 finalda özbəkistanlı Jalqasbay Berdemuratova 0:11 hesabı ilə uduzaraq, titulunu qoruya bilməyib. O, ümidini bürünc medala bağlayıb. Bundan ötrü ilk növbədə, Berdemuratov finala yüksəlməlidir.
Qeyd edək ki, bu gün yarımfinal görüşləri ilə yanaşı, Azərbaycanın 2 təmsilçisi - 55 kq-dakı Eldəniz Əzizli və 72 kq-dakı Ülvi Qənizadə final görüşlərinə çıxacaq. Onlar qızıl medal uğrunda görüşdə müvafiq olaraq Gürcüstan təmsilçisi Nuqzari Tsurtsumia ilə və Serbiya güləşçisi Ali Arsalan ilə qarşılaşacaqlar.
Final qarşılaşmaları saat 20:00-da başlayacaq.
Dünya çempionatı
55 kq
FİNAL. Eldəniz Əzizli - Nuqzari Tsurtsumiya (Gürcüstan) - 8:0
72 kq
FİNAL. Ülvi Qənizadə - Ali Feyzollah Arsalan (Serbiya) - 4:7
63 kq
1/8 final. Taleh Məmmədov - Aleksandr Yurkyans (Latviya) - 7:3
1/4 final. Taleh Məmmədov - Luis Alberto Orta Sançes (Kuba) - 3:1
1/2 final. Taleh Məmmədov - Sebastian Nad (Serbiya) - 0:5
67 kq
1/16 final. Həsrət Cəfərov - Dieqo Martineslə (Meksika) (rəqib zədələndiyi üçün görüşə çıxmayıb)
1/8 final. Həsrət Cəfərov - Katsuaki Endo (Yaponiya) - 9:0
1/4 final. Həsrət Cəfərov - Husiyuetu Husiyuetu (Çin) - 7:0
1/2 final. Həsrət Cəfərov - Mate Nemes (Serbiya) - 2:5
82 kq.
1/8 final. Rafiq Hüseynov - Yuya Okajima (Yaponiya) - 7:1
1/4 final. Rafiq Hüseynov - Jalqasbay Berdemuratov (Özbəkistan) - 0:11
Təsəlliverici görüş. Rafiq Hüseynov
97 kq.
1/16 final. Arif Niftullayev - Daniel Qastlinin (Avstriya) - 3:2
1/8 final. Arif Niftullayev - Vilius Laurinaitis (Litva) - 9:0
1/4 final. Arif Niftullayev - Aleks Gerqo Soke (Macarıstan) - 10:2
1/2 final. Arif Niftullayev - Kiril Milenov Milov (Bolqarıstan) - 3:7
