Azərbaycanın son 3 güləşçisi Serbiyanın paytaxtı Belqraddakı dünya çempionatında yarımfinala yüksələ bilməyib.
Sportnet.az-ın məlumatına görə, yunan-Roma güləşçilərindən 60 kq çəki dərəcəsində çıxış edən Murad Məmmədov 1/8 finalda Rabbi Kilandiyə (Konqo) qalib gəlsə də, 1/4 finalda Armen Nazaryana (Bolqarıstan) yenilib.
130 kq-dakı Sabah Şəriəti 1/16 finalda Satiş Satişi (Hindistan) yenməsinə baxmayaraq, növbəti mərhələdə Amin Mirzazadeyə (İran) uduzub.
Qadın güləşçi, 62 kq-da çıxış edən Tatyana Omelçenko isə ardıcıl olaraq Ti Nquyen (Vietnam) və Marva Amriyə (Tunis) qalib gəlib. Omelçenko 1/4 finalda Kiyoko Miraklla (ABŞ) bacarmayıb.
Hər üç güləşçi rəqibləri finala adlayacağı təqdirdə, sentyabrın 13-də təsəlliverici görüşə qatılacaq.
------------------------------------
Azərbaycanın daha üç güləşçisi bu gün Serbiyanın paytaxtı Belqraddakı dünya çempionatında mübarizəyə başlayacaq.
Sportnet.az-ın məlumatına görə, yunan-Roma güləşçilərindən Sabah Şəriəti (130 kq) və Murad Məmmədov (60 kq), qadınların yarışında Tatyana Omelçenko (62 kq) döşək üzərinə çıxacaq.
Məmmədov 1/8 final mərhələsində Viktor Petrik (Ukrayna) / Rabbi Kilandi (Konqo) cütünün qalibi ilə, Şəriəti isə 1/16 finalda Hindistan təmsilçisi Satiş Satişlə üz-üzə gələcək. Omelçenko isə təsnifat mərhələsində Vietnamdan olan Ti Nquyenlə görüşəcək.
Bu gün həmçinin yunan-Roma güləşçilərindən Taleh Məmmədov (63 kq), Həsrət Cəfərov (67 kq) və Arif Niftullayev (97 kq) bürünc medal uğrunda, Rafiq Hüseynov (82 kq) isə təsəlliverici görüşdə iştirak edəcək. Onların rəqibləri hələlik müəyyənləşməyib.
Qadın güləşçilərdən 53 kq-dakı Leyla Əliyeva və 65 kq-dakı Elis Manolova sentyabrın 13-də yarışa qoşulacaq. Sentyabrın 14-də 57 kq-dakı Jalə Əliyeva ilə 59 kq-dakı Alyona Kolesnik mübarizəyə başlayacaq.
Qeyd edək ki, daha əvvəl yunan-Roma güləşçilərindən Eldəniz Əzizli (55 kq) qızıl, Ülvi Qənizadə (72 kq) gümüş medal qazanıb.
Yunan-Roma
60 kq
1/8 final. Murad Məmmədov - Rabbi Kilandi (Konqo) - 9:0
1/4 final. Murad Məmmədov - Armen Nazaryan (Bolqarıstan) - 1:2
130 kq
1/16 final. Sabah Şəriəti - Satiş Satiş (Hindistan) - 10:1
1/8 final. Sabah Şəriəti - Amin Mirzazadeh (İran)
Qadın güləşi
62 kq.
təsnifat mərhələsi. Tatyana Omelçenko - Ti Nquyen (Vietnam) - 7:4
1/8 final. Tatyana Omelçenko - Marva Amri (Tunis) - 5:5
1/4 final. Tatyana Omelçenko - Kiyoko Mirakl (ABŞ)
