Bu gün Azərbaycanın 21 yaşadək futbolçulardan ibarət milli komandası Avropa çempionatının seçmə mərhələsində II tur matçına çıxacaq.
Sportnet.az xəbər verir ki, B qrupunda yer alan milli Bolqarıstan yığmasını qəbul edəcək.
Mərkəkən qəsəbəsindəki "Dalğa Arena"da keçiriləcək oyun saat 18:00-da başlanacaq.
U-21-in baş məşqçisi Ayxan Abbasov bu gün əsas yığmanı Ukrayna ilə oyuna çıxaracağı üçün Bolqarıstanla matçda U-21-ə onun köməkçisi Elnur Çodarov rəhbərlik edəcək.
Qeyd edək ki, U-21 seçmə mərhələdə ilk oyunda Portuqaliyaya səfərdə 0:5 hesabı ilə uduzub. Bolqarıstan isə Cəbəllütariqə qalib gəlib - 3:0.
18:00. Azərbaycan - Bolqarıstan
Baş hakim: Florian Lata (Albaniya)
"Dalğa Arena"
