Bu gün La Liqanın 10-cu turunda cari mövsümün ilk “El-Klasiko”su keçirilib.
Sportnet.az xəbər verir ki, lider “Real” “Santyaqo Bernabeu”da əzəli rəqibi “Barselona”nı qəbul edib. Görüş Madrid təmsilçisinin 2:1 hesablı qələbəsi ilə yekunlaşıb.
Qolları “Real”dan Kilian Mbappe (22-ci dəq.) və Cud Bellingem (43), “Barselona”dan Fermin Lopez (38) vurub.
52-ci dəqiqədə Mbappe penaltidən yararlana bilməyib. Onun zərbəsini qapıçı Voyçiex Şensnıy dəf edib.
90+8-ci dəqiqədə "Barselona"dan Pedri qırmızı vərəqə alıb.
Bu qələbədən sonra “Real” xalını 27-ə yüksəldərək birinciliyi daha da möhkəmləndirib. “Barselona” isə 22 xalla 2-ci pillədə qalıb.
