"Sabah" Azərbaycan Premyer Liqasında 300-cü qolunu vurub.
Sportnet.az Peşəkar Futbol Liqasının rəsmi saytına istinadən xəbər verir ki, yubiley qoluna İqor Noqeyra imza atıb.
O, XI turun "Kəpəz"lə səfər görüşündə (3:1) komandasının sonuncu topunun müəllifi olub.
Beləliklə, "Sabah" yüksək dəstədəki 222-ci matçında 300-ə çatıb. Paytaxt təmsilçisi ölkə çempionatları tarixində buna nail olan 15-ci komandadır. Bakı klubu evdə 158, səfərdə 142 dəfə fərqlənib.
Qeyd edək ki, "Sabah" ilk qoluna 2018-ci il avqustun 12-də "Keşlə" ilə səfər matçında imza atıb – 1:0. Həmin qolun müəllifi Marko Deviç olub.
