Azərbaycan Premyer Liqasında XIII turun "Şamaxı" - "Sumqayıt" matçında qalmaqal baş verib.
Sportnet.az xəbər verir ki, münaqişə 88-ci dəqiqədə qonaq komandanın futbolçusu Aleksa Yankoviçin hesabı bərabərləşdirməsindən sonra baş məşqçilər arasında yaşanıb.
Qonaq komandanın baş məşqçisi Saşa İliçin qol sevincini qeyd etmə forması rəqib düşərgədə yaxşı qarşılanmayıb. İliçin hərəkəti onunla "Şamaxı"nın baş məşqçisi Ayxan Abbasov arasında toqquşmaya səbəb olub.
Tərəfləri sakitləşdirmək mümkün olsa da, baş hakim Tural Qurbanov hər iki baş məşqçiyə qırmızı vərəqə göstərib.
Qeyd edək ki, oyun "Sumqayıt"ın qələbəsi ilə yekunlaşıb - 2:1.
