Bu gün Azərbaycan Premyer Liqasında XX turun ilk oyunları keçiriləcək.
Sportnet.az-ın məlumatına görə, qarşılaşmalar elitanın debütantlarının iştirakı ilə gerçəkləşəcək.
Açılış matçında "İmişli" və "Qarabağ" komandaları üz-üzə gələcək.
Quba Olimpiya İdman Kompleksinin stadionunda saat 14:30-da baş tutacaq matçın baş hakimi Cavid Cəlilov olacaq.
Hazırda "Qarabağ" 19 oyundan 42 xalla 2-ci, "İmişli" 19 xalla 9-cu yerdə gedir. İki komanda indiyədək yalnız I dövrədə üz-üzə gəlib. Həmin oyunda Ağdam təmsilçisi qələbə qazanıb - 2:0.
Günün digər görüşündə "Zirə" və "Karvan-Yevlax" qarşılaşacaq. Zirə İdman Kompleksinin stadionunda saat 17:00-da başlanacaq matçı baş hakim Kamranbəy Rəhimov idarə edəcək. Hazırda "Zirə" 19 oyundan 32 xalla 3-cü, "Karvan-Yevlax" 6 xalla sonuncu - 12-ci yerdə gedir.
İlk dövrədəki matçda "Zirə" qələbə qazanıb - 3:2.
Azərbaycan Premyer Liqası, XX tur
14 fevral
14:30. “İmişli” – “Qarabağ”
Hakimlər: Cavid Cəlilov, Kamran Bayramov, Müslüm Əliyev, Alik Yunusov
VAR: Əliyar Ağayev
AVAR: Vüqar Həsənli
Hakim-inspektor: Ramil Diniyev
AFFA nümayəndəsi: Azər Əsgərov
Quba OİK stadionu
17:00. “Zirə” – “Karvan-Yevlax”
Hakimlər: Kamranbəy Rəhimov, Akif Əmirəli, Mirnihat Seyidov, Əkbər Əhmədov
VAR: Fərid Hacıyev
AVAR: Rəhman İmami
Hakim-inspektor: Anar Salmanov
AFFA nümayəndəsi: Asif Əliyev
Zirə İdman Kompleksinin stadionu
Qeyd edək ki, turun qalan oyunları 15-16 fevralda keçiriləcək.
