DÇ-2014-də göstərdiyi oyunla diqqət çəkən Ceyms Rodriqes üçün maraqlı iddia ortaya çıxıb. Sportnet.az-ın məlumatına görə, İngiltərə mətbuatı Rodriqesin Madrid "Real"ın hədəfində olduğunu bildirib.
Ötən mövsüm "Porto"dan 45 milyon avro müqabilində "Monako" formasını geyinən futbolçu üçün 75 milyon avro istənilib. "Real" isə 22 yaşlı futbolçunun transferinə 50-60 milyon avro arasında bir büdcə ayırıb.
Qeyd edək ki, Braziliyada davam edən mundialda Kolumbiya forması ilə meydana çıxan Ceyms Rodriqes 4 oyunda 5 qol vurub və 2 qol ötürməsi edib.
