"Şiroki Briyeq"in müdafiəçisi Dino Çoriç Avropa Liqasının I təsnifat mərhələsinin "Qəbələ" ilə keçiriləcək cavab oyunu öncəsi jurnalistlərin suallarını cavablandırıb. Sportnet.az-ın məlumatına görə, bosniyalı futbolçu növbəti mərhələyə keçəcəklərinə inandığını bildirib.
24 yaşlı sağ cinah müdafiəçisi ilk oyunda Azərbaycanda yarım qalan işi sabah cavab oyununda tamamlayacaqlarını söyləyib: "İşin yarısını Azərbaycanda görmüşük. Əgər biz ilk matçın 2-ci hissəsindəki kimi oyun sərgiləsək, növbəti mərhələyə yüksələcəyimizə inanıram".
Qeyd edək ki, iyulun 10-da "Pekara" stadionunda keçiriləcək "Şiroki Briyeq" - "Qəbələ" matçı Bakı vaxtı ilə saat 23:30-da başlanacaq.
