İspaniya çempionatının XXXII turunun "Eybar"la qarşılaşmasında fərqlənən "Real Madrid"in futbolçusu Kriştianu Ronaldu növbəti rekord müəyyənləşdirib. Sportnet.az-ın məlumatına görə, portuqaliyalı hücumçu "Böyük beşlik" çempionatlarında ardıcıl 6 mövsüm ən azı 30 qol vuran ilk futbolçu sayılıb.
Ronaldu bu matçın 19-cu dəqiqəsində fərqlənib. O, komandasının 3-cü qolunu vurub. Görüş isə "kral klubu"nun 4:0 hesablı qələbəsi ilə yekunlaşıb.
Qeyd edək ki, Portuqaliya milli komandasının da kapitanı olan Kriştianu Ronaldu "Real Madrid"ə 2009-cu ildə İngiltərə "Mançester Yunayted"indən keçib.
