Azərbaycan Premyer Liqasının son turunda evdə "Neftçi"yə minimal hesabla məğlub olan "Xəzər Lənkəran" XXX turun hazırlığına sabahdan başlayacaq. Sportnet.az-ın məlumatına görə, Elbrus Məmmədovun rəhbərlik etdiyi komanda "Zirə" hazırlığına tam heyətlə start verəcək.
"Neftçi" ilə oyunda başından zədə alan Elfad Baləhmədov da komandayla birgə məşqlərə qoşulacaq.
Qeyd edək ki, "Zirə" - "Xəzər Lənkəran" oyunu aprelin 17-də keçiriləcək. Qarşılaşmanın start fiti 16:30-da səslənəcək.
