Almaniyanın "Bavariya" klubu Portuqaliyanın Lissabon şəhərində məşq etməkdən imtina edib. Sportnet.az-ın məlumatına görə, bu barədə komandanın baş məşqçisi Xosep Qvardiola qərar qəbul edib.
Münhen təmsilçisi Çempionlar Liqasının 1/4 final mərhələsinin cavab oyunu çərçivəsində "Benfika" ilə görüşdən öncə maçtın keçiriləcəyi "Eştadiu da Luj" stadionunda son məşqə çıxmayıb. Almanlar sonuncu məşqini "Allians Arena"da edib.
Qeyd edək ki, "Benfika" - "Bavariya" oyunu aprelin 13-də keçiriləcək.
