Futbol üzrə Yaponiya çempionatının müxtəlif divizionlarındakı 4 oyun təxirə salınıb. Sportnet.az-ın məluymatına görə, buna ölkənin cənub-qərbindəki titrəyişlər səbəb olub.
Baş tutmayan qarşılaşmalar Küsü adalarındakı stadionlarda keçirilməli idi. Amma bu adada iki gündür güclü yeraltı təkanlar baş verir.
Qeyd edək ki, ötən gecə Yaponiyanın cənub-qərbində 7,3 ballıq ardıcıl zəlzələlər baş verib. Son məlumatlara əsasən, təbii fəlakət nəticəsində 13 nəfər ölüb, 800-dən çox insan yaralanıb. Hazırda "afterşok"lar davam edir. Yeraltı təkanlar hər 10 dəqiqədənbir baş verir.
