AFFA-nın İntizam Komitəsi "Qəbələ"nin baş məşqçisi Roman Qriqorçuku bir oyunluq cəzalandırıb. Sportnet.az-ın məlumatına görə, buna səbəb ukraynalı mütəxəssisin Premyer Liqanın XXX turunda "Rəvan"la evdə keçirilmiş oyunda texniki zona qaydalarına əməl etməməsidir.
Nəticədə klub 1000 manat cərimələnib. Üstəlik həmin oyunda "qırmızı-qaralar"ın 4 futbolçusu sarı vərəqə ilə cəzalandığı üçün klub 1000 manat ziyana düşüb.
Oyunun 61-ci dəqiqəsində "Rəvan"ın futbolçusu Saşa Yunisoğlu ikinci sarı vərəqə alaraq meydançadan kənarlaşdırıldığı üçün 1 oyun cəzalanıb, klub 200 manat cərimələnib.
