"Neftçi" Azərbaycan Premyer Liqasının XXXI turunda keçiriləcək "Zirə" ilə oyuna itki ilə çıxacaq. Sportnet.az-ın məlumatına görə, komandanın baş məşqçisi Vəli Qasımov Ailton Silva və Xuan Alvarodo Mellinin xidmətindən yararlana bilməyəcək.
Melli zədə səbəbindən oyunu buraxmalı olacaq. Digər müdafiəçi Ailton isə sarı vərəqə limitini doldurduğu üçün "Zirə" ilə oyunu tribunadan izləyəcək.
Qeyd edək ki, bu gün "Bakcell Arena"da keçiriləcək "Neftçi" - "Zirə" oyunu saat 19:00-da başlayacaq.
