"Sürpriz nəticə oldu. Biz güclü komandaya qarşı oynayırdıq". Sportnet.az-ın məlumatına görə, bu fikirləri İsveçin 17 yaşadək futbolçulardan ibarət yığma komandasının baş məşqçisi Maqnus Vikman jurnalistlərə açıqlamasında deyib. Bakıda keçirilən final mərhələsində çıxışına İngiltərə yığması üzərində 2:1 hesablı qələbə ilə başlayan Skandinaviya təmsilçisinin çalışdırıcısı bu nəticəni gözləməidklərini etiraf edib: "Bəlkə də İngiltərəyə qarşı 10 dəfə oynamışıq, 8-də uduzmuşuq. Ona görə də bu uğurlu nəticəni gözləmirdik. Biz ikinci hissəyə çox yorğun başladıq və oyun üslubumuzu dəyişməli olduq. Oyunun sürətini aşağı salmalı idik. Əks-hücum şanlarımız olsa da, bunları dəyərləndirə bilmədik. Rəqibi sıxmağa gücümüz qalmamışdı. Çünki çox yorulmuşduq".
