Türkiyənin "Trabzonspor" klubu baş məşqçi Hami Mandıralı ilə yollarını ayırıb. Sportnet.az-ın məlumatına görə, Super Liqanın XXXIII turunda səfərdə "Antalyaspor"la keçirilmiş matçdan sonra belə qərar qəbul edilib.
Həmin görüş trabzonluların 0:7 hesablı məğlubiyyəti ilə yekunlaşıb.
Məlumatda komandanın yeni baş məşqçisinin adının tezliklə ictimaiyyətə açıqlanacağı bildirilib.
Qeyd edək ki, "Trabzonspor" 33 turdan sonra 40 xalla 12-ci pillədə qərarlaşıb.
