İspaniyanın "Real Madrid" klubu futbolçu Kriştianu Ronaldu ilə müqavilə müddətini artıracaq. Sportnet.az-ın "Ok Diarro"ya istinadən verdiyi məlumata görə, müqavilə müddəti 2020-ci ilədək nəzərdə tutulub.
Yeni müqavilənin şərtlərinə əsasən portuqaliyalı ildə 20 milyon avro qazanacaq. Müqavilənin Çempionlar Liqasının final oyunundan sonra imzalanacağı bildirilib. Onun Madrid təmsilçisi ilə olan hazırkı müqaviləsi 2018-ci ildə başa çatacaq. İndiki halda Ronaldu ildə 17 milyon avro qazanır.
Qeyd edək ki, mayın 28-də "San Siro" stadionunda keçiriləcək Çempionlar Liqasının finalında "Real Madrid" və "Atletiko Madrid" komandaları üz-üzə gələcək. Oyun Bakı vaxtı ilə saat 22:45-də başlayacaq.
