"Neftçi"nin futbolçularının bir neçə aydır maaş ala bilməmələrinə dair məsələyə klubdan rəsmi açıqlama gəlib. Flaqmanın Mətbuat və İctimaiyyətlə Əlaqələr Departamentinin rəhbəri Gündüz Abbaszadə Sportnet.az-a hər şeyin öz qaydasında olduğunu bildirib.
Abbaszadə Avropa Liqasının II təsnifat mərhələsində iyulun 17-də Bakıda baş tutan Sloveniyanın "Koper" klubu ilə oyundan 2 gün öncə bütün futbolçu, məşqçi və texniki heyətin əmək haqqılarının ödənildiyini bildirib. O, klubun heç bir işçisinə borcu olmadığını söyləyib.
